Roland Meyer an Thimothy Jenon: De klengen Här Bellibimbam an de Monsieur Lugaru

Beschreibung

Sprooch: Lëtzebuergesch

Kannerbuch
Faarweg illustréiert vum Thimothy Jenon

Op der Lay 558
2021, 36 Säiten, 21 × 21 cm, Hardcover

ISBN 978-2-87967-247-2

De klengen Här Bellibimbam souz bei sech doheem an e war immens zefridde mat sech a grad esou zefridde mat der Welt.
An dunn huet et un der Dier geklappt.
Dobausse stoung de groussen Här Lugaru, ma de klengen, couragéierten Här Bellibimbam léisst hien eran an zerwéiert him all Méigleches z‘iessen an ze drénken a léisst en iwwert d‘Nuecht bei sech raschten.
Den Dag drop gi mir gewuer, dass vill Leit am Duerf Angscht virum Här Lugaru hunn, an den Här Bellibimbam versteet net, firwat.
Den Här Lugaru, duerch seng Stäerkt an Hëllefsbereetschaft, ka lues a lues d‘Vertraue vun den Duerfleit gewannen, ma nach laang net vun allen…
Ob den Här Lugaru sech dann elo awer erëm muss op de Wee maachen?

De klengen Här Bellibimbam souz bei sech doheem an e war immens zefridde mat sech a grad esou zefridde mat der Welt.
Hien hat alles, wat hie sech gewënscht huet: e gutt waarmt Feier am Uewen, séisse Gromperepüree um Dësch an ee Fotosalbum vu senger leschter Vakanz um Schouss.
„Ei ei ei, Mammamia Papagei! Wéi gutt gemittlech!”, huet hie geduecht, „ei, wéi gutt schucklech ass et doheem, wann ee vu kengem gestéiert gëtt!” An dobäi huet de klengen Här Bellibimbam déi wëllen Decke bis un de Kënn gezunn. „Esou kënnt et ëmmer bleiwen!”
An dunn huet et un der Dier geklappt.