Op der Lay invitéiert Iech häerzlech op eng Book Release mat Liesung vum neie Buch "Ënner Bridder" vum Jean-Louis Schlesser.
Dat Ganzt geet um 19:00 Auer am "Gudde Wëllen" lass.
Mir freeën eis op Äre Besuch.
Et gëtt och eng speziell Iwwerraschung ze gewanne fir ee vun de Visiteuren deen Owend, laanscht komme lount sech duebel!
Méi Infos op Facebook.
Extrait aus dem neie Buch:
„Weess de, wat de Problem mat der Wourecht ass?“, seet de Jos. „D’Wourecht ass e Problem, wann s de just e Stéck vun hir erausfonnt hues an du mengs, du häss se ganz. Well, Justin, d’Fro, déi s de stelle muss, ass déi hei: gëtt et iwwerhaapt esou eppes ewéi eng ganz Wourecht? Wou muss de ophale bei der Sich no der Wourecht? All Stéck Wourecht huet eng Vir-geschicht, all Virgeschicht huet eng Geschicht, an déi stellt ëmmer erëm op en Neits deng Wourecht a Fro.“