Weeër

SYNOPSIS

Am Zentrum vu Weeër stinn d’Musekswëssenschaftlerin Alissia -Santos Dos Ramos an d’Immobilienhändlerin Priscilla Weber. Béid Frae begéinen sech fir d’éischte Kéier um Bouneweger Futtballterrain. Dem --Amor seng Feiler léien zwar prett, ma wäerten d’Pri an d’Ali dat grousst Gléck fannen?

An dëser queerer, quokeleger Libesgeschicht spillt den Ernest Heming-way eng gréisser Roll. Tëscht de Säite vu Weeër verstoppt sech Geheimnis-volles aus dem amerikanesche Schrëftsteller sengem Openthalt zu Lëtzebuerg.

Um Karussell dréien nach eng Abberzuel vun anere fiktiven a reale Figuren wéi d’Eva, de Keevin (deen zum Kevin mutéiert), de Jos, de Simon, d’Marie-Alphonsine; souwéi de Christiano Ronaldo, de Lionel Messi, d’Jennifer Hermoso, d’Cate Blanchett an den David Byrne. Net ze vergiessen d’ Macey an den Tom, zwee Protagonisten aus bis dato onver-ëffentlechtem Material vum Hemingway!

EXTRAIT

Dir hutt vill Fantasie, Dokter Santos. An de Stonne schwäift Dir dacks of. Ech hunn dat léiwer wéi en handlungsstrukturéierten, gelackte Cours! Wann ech Gei spillen, leeën ech gären d’Partitur op d’Säit a rëtschen an d’Improvisatioun. Am grousse Spill vun der Léift brauch een awer e Plang, besonnesch wann näischt vun där anerer Säit kënnt. De Stéier mat den Hare paken, dorëms geet et. D’Liewen ass eng Corrida, esou wéi an de Geschichte vun deem amerikanesche Schrëftsteller, dem, dem …