Zockerpäckelchen

Roman vum Claude Schiltz

nominéiert fir de Lëtzebuerger Buchpräis 2008

An erëm en neien Numm beim Verlag Op der Lay. Eng jonk Autorin huet mat Zockerpäckelchen hiren éischte Roman geschriwwen. An et ass wierklech e Buch, wéi et der bis elo nach guer net gouf oder op d'mannst si se ganz rar geséint. Et geet ëm d'Léift. Sou banal dat Thema ka sinn, hei ass et dat glat a guer net. D'Mich(elle), de Pol, d'Irmchen an de Pierre sinn déi véier Haaptpersounen. Déi dräi éischt sinn déck Frënn, mee wéi de Pierre an dem Irmche säi Liewen trëtt, ass et ëm hatt geschitt: hatt ass voll an dee verknallt, an hien an hatt.

Well et schonn eng Vakanz gebucht hat a sech och kloer iwwert de Pierre wëll ginn, flitt et op Malaga. An do ass et sech op eemol ganz séier kloer, flitt sou séier wéi méiglech heem. Knapps hunn si sech erëmgesinn, kéint ee mengen, dat dëser grousser Léift näischt méi am Wee stoe géif, do passéiert eng …

Op jidde Fall e ganz gudde Start mat dem éischte Buch fir d'Claude Schiltz, well am Fréijoer 2008 ass schonns déi 2. Oplo nogedréckt ginn. Vill Jonker an déi 20 an 30 wäerten sech hei op déi eng oder aner Manéier erëmfannen.